Heim / Lan-, online mót / Úrslitin í Lenovo Deildinni verða ráðin í vikunni
Hverju viltu fylgjast með?  Þitt er valið

Úrslitin í Lenovo Deildinni verða ráðin í vikunni

Lenovo Deildin

Undanfarna mánuði hafa bestu lið landsins att kappi í leikjunum tveimur til að komast svona langt. Í League of Legends voru FH (sem áður hét Frozt) efstir í deildinni með 11 sigra og 1 tap.

Á eftir þeim koma Dusty​ með 9 sigra og 3 töp. Bæði liðin komust frekar auðveldlega í gegnum undanúrslitin gegn KINGS og Old Dogs.

Á bak við tjöldin hjá Dusty

Í Counter-Strike var HaFiÐ efst í deildinni með 12 sigra og 0 töp. Á eftir þeim, eftir harða baráttu við Tropadeleet og KR, koma Fylkir með 5 sigra og 7 töp. Bæði liðin sigruðu mótherja sína í undanúrslitum en Tropadeleet gaf Fylki ekkert eftir og endaði viðureign þeirra í 2-1 Fylki í vil, að þvi er fram kemur í fréttatilkynningu frá Rafíþróttasamtökum Íslands.

Miðvikudaginn 26. júní mætast FH og Dusty í úrslitum í League of Legends. Fimmtudaginn 27. júní mætast HaFiÐ og Fylkir í úrslitum í Counter-Strike: Global Offensive. Úrslitin verða haldin í sal 1 í Háskólabíó og hefjast klukkan 18:30. Frítt er inn á meðan pláss leyfir en hægt er að tryggja sér sæti ásamt miðstærð af poppi og kóki á kr. 1.500 hér.

Pláss er fyrir um 300 gesti og því hægt að gera ráð fyrir því að stemningin verði mögnuð á staðnum. Einnig er hægt að fylgjast með úrslitunum á Twitch rás Rafíþróttasamtaka Íslands.

Mynd: aðsend

Um Chef-Jack

Chef-Jack er matreiðslumaður að mennt og hefur verið með pennann á lofti til fjölda ára og skrifað mikið um tölvuleiki og allt sem snýr að Íslensku tölvuleikjasamfélaginu. Hægt er að hafa samband við Chef-Jack á netfangið: esports@esports.is

Svara

x

Check Also

Rafíþróttasamtök Íslands

Rafíþróttaviðburður í Laugardalshöllinni – Verður þú Rafíþróttameistari Reykjavíkur?

Rafíþróttasamtök Íslands í samstarfi við ...

Fara í tækjastiku